Robotikaren eta ikusmen artifizialaren ingurunean, Picking (bilketa) deritzo objektu bat ikusmen artifizialeko sistema baten bidez identifikatzeko, espazioan duen posizioa zehazteko eta ondoren bildu eta helmugara sistema robotizatu baten bidez eramateko prozesu konbinatuari.
Bin Picking edo Random Bin Picking izenez ezagutzen dena edukiontzi batetik ausaz piezak hautatu eta ateratzeko aukera ematen duen sistema da. Horretarako, ikusmen artifizialez gidatutako sistema robotikoak erabiltzen dira. Beste era batera esanda, Bin Picking-arekin ekoizpen-prozesuetarako elikadura automatizatua planteatzen da, robot baten bidez, eta piezak saskitik hartzea.
